Камен Дол
| Камен Дол | |
  Камен Дол Местоположба на Камен Дол во Македонија
Камен Дол на карта
| |
| Координати 41°28′44″N 21°53′32″E / 41.47889° СГШ; 21.89222° ИГД | |
| Регион |  Вардарски
|
| Општина | Росоман |
| Население | 69 жит. (поп. 2021)[1]
|
| Шифра на КО | 11019 |
| Надм. вис. | 250 м |
|
Камен Дол на општинската карта  Атарот на Камен Дол во рамките на општината | |
 Камен Дол на Ризницата
| |
Камен Дол — село во Општина Росоман, во областа Тиквеш, во околината на градот Кавадарци.
Географија и местоположба
[уреди | уреди извор]Селото се наоѓа во западниот дел на областа Тиквеш, на десната страна од претстојниот експресен пат Градско-Прилеп, оддалечено 16 километри северозападно од Кавадарци и 7 километри југозападно од општинскиот центар Росоман.
Соседни села се Трстеник на исток, Мрзен Ораовец на запад, Дебриште на југ и Сирково на север.
Историја
[уреди | уреди извор]Кон крајот на XIX век Камен Дол е дел од поранешната Тиквешка каза на Отоманското Царство.
Население
[уреди | уреди извор]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Камен Дол живееле 170 жители, сите Македонци.[2] Според егзархискиот секретар Димитар Мишев, („La Macédoine et sa Population Chrétienne“) во 1905 година во Камен Дол имало 80 Македонци, под врховенството на Бугарската егзархија.[3]
Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Македонци.[4]
Според пописот од 2002 година селото имало 91 жител, од кои 90 Македонци и 1 Србин.[5]
Според пописот од 2021 година, во селото живееле 69 жители, од кои 65 Македонци, 2 Албанци и 2 лица без податоци.[6]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 170 | 80 | 124 | 158 | 155 | 127 | 117 | 101 | 110 | 91 | 69 |
- Извор за 1900 г.: Македонија. Етнографија и статистика.[7]; за 1905 г.: La Macédoine et sa Population Chrétienne.[8]; за 1948-2002 г.: Државен завод за статистика на РМ.[9]; за 2021 г.: Државен завод за статистика на РМ.[10]
Родови
[уреди | уреди извор]Како родови во Камен Дол се споменуваат:[11]
- Староседелци: Соколовци (3 к.) и Бучуковци (2 к.)
- Доселеници: Чакревци (1 к.) и Димовци (1 к.) доселени се во XIX век од селото Уланци кај Велес; Чупевци (2 к.) доселени се од селото Ракле кај Прилеп во 1864 година; Раковци (1 к.) доселени се во 1894 од селото Трстеник; Ѓеловци (1 к.) доселени се од селото Гарниково во 1894 година; Ристовци (1 к.) доселени се околу 1894 година од селото Ракле кај Прилеп.
Самоуправа и политика
[уреди | уреди извор]Селото влегува во рамките на сегашната Општина Росоман, која не била променета при новата територијална поделба во 2004 година.
Во периодот од 1996 до 2004 година, селото било седиште на некогашната рурална Општина Росоман.
Во периодот од 1965 до 1996 година, селото било сместено во големата општина Кавадарци.
Во периодот од 1955 до 1965 година, селото било дел од тогашната општина Градско, во која покрај селото Камен Дол, се наоѓале и селата Горно Чичево, Градско, Грнчиште, Виничани, Водоврати, Двориште, Долно Чичево, Згрополци, Кочилари, Крушевица, Куридере, Мрзен Ораовец, Ногаевци, Паликура, Подлес, Росоман, Свеќани, Сирково, Скачинци, Уланци и Убого.
Во периодот од 1952 до 1955 година, селото било дел од тогашната општина Росоман, во која покрај селото Камен Дол, се наоѓале и селата Крушевица, Манастирец, Паликура, Рибарци, Росоман, Сирково и Трстеник.
Избирачко место
[уреди | уреди извор]Во селото постои избирачкото место бр. 718 според Државната изборна комисија, сместени во просториите на основното училиште. Во ова избирачко место е опфатено и селото Мрзен Ораовец.[12]
На претседателските избори во 2019 година, на ова избирачко место биле запишани вкупно 69 гласачи.[13]
Културни и природни знаменитости
[уреди | уреди извор]- Археолошки наоѓалишта[14]
- Грамаѓе - населба од римското време
Наводи
[уреди | уреди извор]- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Кънчов, Васил. „Македония. Етнография и статистика“. София, 1900. стр.154
- ↑ Brancoff, D.M. "La Macédoine et sa Population Chrétienne". Paris, 1905, pp. 104 - 105.
- ↑ „200K Volkstumskarte Jugoslawien“.
- ↑ Попис на населението, домаќинствата и становите во Република Македонија, 2002 - Книга X
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ Радовановиќ, Воислав. Тиквеш и Рајец.
- ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
- ↑ Коцо, Димче (1996). Археолошка карта на Република Македонија. II. Скопје: Македонска академија на науките и уметностите. стр. 151. ISBN 9989649286.
Надворешни врски
[уреди | уреди извор]
| ||||||||
_1941.jpg){kind=link}